廣東話講唔正之——最刻骨銘心19句

廣東話講唔正之——最刻骨銘心19句
1. 我曾聽過人地講：人地結婚去〝動物園〞﹝渡蜜月﹞ ，取文件要"贈品" (正本)

2. 有冇雷電顯示？﹝來電顯示﹞

3. 最怕比佢地問我：-〝簡典扇〞﹝咁點算﹞
〝忍影支係ben〞﹝影印機係邊﹞
〝死手間係ben〞﹝洗手間係邊﹞

4. 食屎路...(石屎路 )

5. 我公司有個女人好好笑：- 1)冷係 = 冷氣　 2)吾可必喎 = 唔好迫我　 3)抱子=報紙

6. 先生……我地玩〝失蹤〞(骰盅)囉……

7. 一個女人想叫前面D人讓條路佢行，所以佢沿途係咁話：kiss me, kiss me(但其實佢想講excuse me……excuse me……)

8. 係一個巴士站，眾人都等緊巴士，有個女人問另一人:"先生唔該，請問你有冇〝生痔瘡〞呀?"個男人頭都痕埋..(原來個女人係想問佢有冇散紙唱)

9. 一班人傾計,話: "我地不如做雀仔呀媽lor?".......(腳底按犘ar)

10. 係街邊賣野食d人成日話：好〝令〞既〝而蛋〞(鱼旦)、〝牛演〞(牛丸)、〝而演〞(鱼丸)同〝支肉演〞(猪肉丸)

11. 我班嘢陳同學曰：〝唐山大地浸﹝地震﹞，呢個世界好黑un……〞

12. 尋晚去食潮州嘢，掕住個menu系度林滷水拼盤究竟囿乜食，個伙計就無端端答嘴:〝哩個老鼠(卤水)拼盤係冇老鼠鵝，得老鼠蛋、老鼠腸、老鼠豬耳〞

13. 話說N年前有朝早我去麥當勞好有禮貌咁同個賣包嘅女人講：〝唔該豬柳漢堡丫〞個女嘅就同我講：〝要蛋呀〞個時我身上無乜錢，我又唔係太鐘意食豬柳蛋漢堡，於是我就好有禮貌回答：〝唔要蛋喇唔該！〞個女人好勞氣咁講：〝你要蛋喎！〞我開始無乜耐性喇，就答佢：〝我唔要蛋喇，我净係要豬柳漢堡咋！〞個女人更加勞氣咁話：〝要蛋一蛋呀，要蛋(等)十分鐘呀……〞

14. 話說某某系豐澤電器欲購電視機，向售貨員詢問：〝請問呢部電視機有冇電視框呀〞售貨員莫明奇妙但仍然恭恭敬敬咁答：〝有〞〝咁電視框幾多錢呀〞？〝太太，唔好意思要成架買冇電視框〞某某無奈咁離去了。(原嚟電視框 = Discount)

15. 我亞哥係入境處辦事處到做嘢，成日聽到D大陸人講，身份證叫〝新款證〞，出生證叫〝畜牲證〞……

16. 我：[小姐想點剪ar]小姐：[ 師父同我剪得神似D ]我：[ 小姐我己經剪得好神似嫁la ]小姐：[ 唔係神似,係要有神似 ]我：[????]後來我先知道佢係話要剪層次......

17. 同學：能﹝粗口音﹞sir! 能sir! 老師：你up咩呀? (個亞sir其實係姓林嘅!)

18. 睇一套歷史式話劇，嚟自大陸嘅女演員話：「我唔係一個普通嘅女人，我係一個call機」(其實佢想話：「我係一個歌姬」)

19. 我：[ 小姐做顏色...想做D咩色ar!! ]小姐：[ 我想做好似森林咁嘅色 ]我：[ o下!!做森林咁嘅色 ]小姐：[係ar~~]我心諗究竟森林係咩色~~佢想要森林D樹(綠),定D花(紅)於是我就俾個色版佢,謎底終於解開~~原來佢係想染(深藍)色 ar~~~